Star Wars Flyboy

På tide å skrive litt om Star Wars igjen!

Reisa mi som Star Wars pilot starta i 1983 - på Evas Gatekjøkken i Narvik. Eg brukte alle kronestykkene eg kom over, og naska kronestykker i frakkelomma til pappa for å spela Star Wars. Det var heilt rått, syns eg. 

Fast Forward til 1996. Eg hadde endeleg råd til å kjøpa meg ny PC (med internettmodem) og eg kjøpte umiddelbart Tie Fighter og ein Microsoft Sidewinder Precision Pro joystick. Det ga meg fullstendig bakoversveis!

Eg var i himmelen og brukte all ledig tid på å spela det! 

Så då eg i 1997 høyrde at det skulle koma ein multiplayerversjon som ein kunne spela PÅ INTERNETT så var eg først på ventelista på nærmaste spelbutikk for å skaffe meg X-wing Vs Tiefighter (XvT). 

Det kom også samstundes ein ny versjon av joysticken, og eg kjøpte den samstundes. Microsoft Sidewinder Force Feedback Pro!

Eg logga meg på Microsoft Internet Gaming Zone - som var plattformen som blei brukt for matchmaking. Dodge fighting med tie interceptors blei frå då av dagleg aktivitet for meg i mange år. 

Eg fann raskt Tie Fighter Alliance som var (inntil nyleg) ein organisert internasjonal klan for spelarar basert på DarkJedi-plattformen.

Eg steig raskt i gradene og blei etter kvart Wing Commander for den europeiske Wing IV. Vi heldt all kontakt på epost og ICQ.  

Eg spelte dette dagleg ut over natta i fleire år og var med i utallige Weekend Of Wars - turneringar som blei spelt mot andre klaner - lenge før E-sport var eit begrep. 

Eg spelte også det første Rogue Squadron-spelet ein del, men dette var litt for basic for meg. XvT var i praksis ein simulator, og hadde bratt læringskurve for å mestre alle options. 

ALLE tastane på tastaturet hadde ein funksjon - og i tillegg mange shift-options!

X-Wing Alliance kom også - som på ein måte er eit oppdatert XvT med ein kampanje. Det spelte eg også ein del, men det er XvT som er favoritten. Utover 2000-talet blei det litt mindre flyging, og familieliv og jobb tok meir plass. Eg spelte andre typar spel, og sjølv om eg hadde Playstation og Playstation 2, kjøpte eg ingen av flygespela som kom til dei. Det var mest prequel era-baserte spel som eg ikkje var like interessert i. Eg var først og framst PC-gamer på den tida også. Spelte for det meste Gran Turismo på Playstation. 

Eg drøymde heile tida om eit nytt XvT med oppgradert grafikk, men eg forsto at etter kvar som konsollgaming tok meir og meir over, og det ikkje var aktuelt med så detaljert simulator på konsoll, så ville nok framtidige Star Wars flyspel bli konsollvenlege. 

Då eg fekk Playstation 3 blei det meir og meir konsollgaming på meg, og dermed mindre og mindre PC. 

Så kom 2015 og Battlefront for Ps4. Eg kjøpte Battlefront-bundle og blei raskt ein svært aktiv spelar. Både som trooper, men aller mest i flymodusane. Det var heilt rått med den fantastiske grafikken og multiplayeraction, og då X-Wing Mission for PSVR kom i 2016, var det heilt klart at eg måtte skaffe meg VR-utstyr for å oppleve komplett innlevelse i Star Wars-universet, og for ein opplevelse det gir!!

PSVR har eg brukt masse, men aller helst til flyspel og racing. Det er der det skinner mest, syns eg.

I 2017 kom Battlefront II og eg var sikker på det ville inkludere mulighet for multiplayer i VR, men den gang ei. Blei skuffa over det, men sjølve Starfighter Assault-modusen og seinare Hero Starfighters var veldig moro - og eit gigantisk steg fram. Dessverre fekk vi berre eit år med content updates til Starfighter Assault, og no forstår eg kvifor. 

Dei tok nemleg assets frå flymodusen og dro til Canada for å lage eit heilt nytt spel dedikert til Starfighters! Star Wars: Squadrons!

Eg blei fullstendig tatt på senga av nyheten! Eg visste at Motive, det canadiske studioet, jobba med eit hemmeleg Star Wars-prosjekt, men eg drømte verkeleg ikkje om at det kunne vera eit flyspel!

Så kom første trailer på mandag, og gameplay trailer i natt, og eg er på ny i himmelen! 

Dei ser ut til å gå eit hakk mot simulator igjen, og vi får mulighet til å spela heile spelet i VR!!

Det blir så sinnsykt rått, og no kan eg nesten ikkje vente til oktober. 

Eg har spelt ein del flyspel og space sims på PS4 og PSVR dei siste åra. Blant anna EVE:Valkyrie og End Space, og eg har alltid sagt at eg ikkje forstår at ikkje EA ville satse på eit VR Star Wars space sim, men no kjem den altså til hausten!

Samstundes er eg også retrogamer. No og då spelar eg framleis XvT og X-Wing Alliance med den gode gamle Sidewinder-joysticken min frå 1997, som funkar heilt fint enda, og det spørs om eg ikkje må ta meg ein tur i galaksen i helga!